Il giornale “Lucinis”

L’è tant timp che desideravi podè ve tal nostri pais un sfuei par sintisi un poc plui unis, par cognoscisi mior e par fa cognosci ai nostris paesans che stan culì e chei altris ( tanch) che son via pal mont, dut se che riguarda la storia, la vita, lis ativitàs, lis dificultàs, lis operis, i desideris di Lucinis.
L’ocasion di fa stampà un giornal pal nostri pais l’è vignuda cun la ricorenza giubilar da la nostra glesia, ven a stai che chist an son passas 50 agns da la consacrazion da la glesia parochial.
Dant di cùr un saluta duch chei di LUCINIS mi auguri che chist sfuei no sedi soltant un alch di straordinari, ma doventi come un char amì cun cui si sta vulintir e che si a plasè di riviodi ogni tant.
In chista pagina un pensi,er di particolar ricuard e di ricognoscinta memoria l’è dovOtal pre Pieri MOSETTI, che l’è stat bon plevan par 37 agns ta nostra parochia e che l’e stat l’animator da ricostruzion da la gnova glesia in timps di grandis difìcultas.
Tal giornal che si presenta pa la prima volta si chatin considerazions, contis, int,ervistis, storia e avenimens, scris da plui personis che an mitùt insieme alch che poi interesà duch chei che lu chapa ràn in man. Chei che an scrit no son giornalisc di mistièr, ma iint dal pais che si l’è mituda cun impegno a lavorà e parchel soi tant ricognoscint a lor par dut se che an fat e par la continuazion di chist giornal, chel vignarà fur plui voltis e che podarà ancha partà la peraula di altris personis plui indevant.
Chist giornal sarà content di ricevi propuestis, conseis e lavors: dùt servisarà pal ben dal nostri pais e par duta la nostra int.
Ringrazi tant duch chei che an dat man par la realisazion di chist prin numar dal sfuei di Lucinis.
Ringrazi ancha chei che lu learan.

Stemit ben.
‘I plevan don Silvano Piani